Frozen Fruit (Closed)

偶然經過此處俾店內的環境吸引入內看看，綠色的牆身有種田園既感覺，入面既餐牌清晰易見，感覺好舒服，不其然地坐下來。 店員好有禮貌的介紹各款食物同飲品，飲品大部分都是新鮮生果即製的，主要係奶昔同沙冰，由於小妹對奶有少少敏感，於是就叫左個芒果沙冰加薯餅魷魚so，沙冰沒有坊間的死甜，甜味主要來自芒果本身，飲後非常消暑。薯餅同魷魚so都係即炸的，店員會問我是否要椒鹽，我話唔駛啦！我唔食辣的，當餅薯餅來到時，我食到少少咸香與平時的鹽味有點不同，店員主動告知係海鹽所以味道比較出。估唔到這麼平價的小食也能食到海鹽，真的令我喜出望外。最後臨走時試一下他們的雪糕，益力多味果然無介紹錯！由於實在太飽了，看到別人的芝士熱狗也非常吸引，只好留待下次再試！期待下次再來試試其他野。