新南苑私房菜火鍋鷄煲 (華僑商業中心) (Moved) New Location

同幾個好姊妹團叙兼補祝生日，今次又揀返新南苑私房菜火鍋雞煲，為左方便我地傾計要包返間房(每人比多$20)。任食雞煲(可以揀大，中，小麻辣)，我地叫小辣因為會越煮越入味、🐔🍲雖然食唔夠既可以免費再任加，但我地想留肚食其他所以無再加。任食頂級既火鍋同海鮮配料，海鮮有五，六款而且真係夠新鲜，鲍鱼夠大隻，唯一係聖子覺得麻麻兼洗得吾夠乾淨，希望下次會有改善。牛及上湯小籠包就每枱得一碟(可以額外比錢再加)；饮品好多選擇及任飲，而我都饮左4罐牛蒡茶，最後仲每人一杯牛奶布甸。雖然話得三個鐘，但係冇人等位係继续比你坐，我地為壽星囡安排個好味特濃朱古力蛋糕🍫🎂(不收切饼費)。每次食新南苑都食到好飽好滿足。