大澳炭燒雞蛋仔叔叔 (Closed)

今日一家黎大澳行下，見到 有出名嘅雞蛋仔當然要試下，一見到已經係大排長龍，見到叔叔係用炭爐燒嘅，15蚊一底，離遠已經聞到好香嘅炭爐味，一拎上手見到顏色比起出面嘅係深d,一咬落去十分鬆軟，有好香蛋味，我仲食到有少少好似牛油味咁，真係好正，點好？第時要食咁好味嘅雞蛋仔要入到大澳先有得食但15蚊食到咁好味嘅雞蛋仔，真係十分抵，香港已經冇幾多呢d用炭爐燒嘅雞蛋仔，但我開頭真係搵左一陣子先搵到間舖，因為佢舖面冇點寫明有雞蛋仔，係見到好多人排隊我先知。