椰子星球 (Closed)

屋企附近開左新嘅甜品店點都要試吓啦，大部份產品都係用椰子做，經過舖頭已經聞到好香椰子味。芒芒UFO 除咗造型可以打卡仲有大量芒果，入邊有椰子味啫喱，加埋獨立椰奶，同埋芋丸一齊食多重口感，非常好味，而且食完個人涼透心。餐廳有張小枱可以坐低食，小朋友叫咗芋泥燉椰子蛋白，芋泥好足料，而且好香，椰子燉蛋白有好香椰子味，而且燉蛋白好滑，份量好多食完一個真係飽晒。另外叫咗個楊枝甘露奶凍，有差唔多半杯嘅芒果，所以好重芒果味，配埋椰子奶凍一齊食成個感覺好香好清新。