Double 8 (Under Renovation)

第一次寫食評，因為一直都好懶，但今次真係唔寫唔得！係網上睇到有介紹過嚟食，啱啱嚟到晏晝1點。今日叫左炸魷魚圈，卡邦尼意大利粉，煎三文魚，仲有龍蝦湯牛角包！炸魷魚圈啱啱炸起，點埋個沙律醬就perfect卡邦尼用嘅煙肉同菇嘅比例剛剛好，芝士唔會有蘇味。真心推介要試牛角包，因為係即叫即整，所以要10-15分鐘，呢款頭盆係值得用時間去等待，牛角包非常脆口，一咬落去格格聲，龍蝦湯非常可口，仲要流出嚟嘅湯熱度啱啱好唔會燙口。下次一定再嚟過。