茶聊

Open Now

Now Closed

今日同朋友去左旺角嗰間樓上西餐廳，性價比都幾高。開心果椰椰：呢杯開心果椰椰真係幾夾。由於朋友鍾意食開心果，所以就好奇點左。椰子水嘅清香同開心果嘅香脆，飲落口嘅感覺原來好夾，開心果比較濃郁，而梛青水清清淡淡，有陣梛香味。芒果草莓冷萃茶：本身揀揀茶底就係希望唔好太甜，呢一杯真係啱啱好。我本身揀咗微糖，佢真係茶底，然後加少少水果，食落去芒果同士多啤梨都好甜。所以嘢飲係清清甜甜淡淡嘅水果味。慢煮西班牙八爪魚配蕃茄蒜蓉扁意粉八爪魚慢煮得恰到好處，肉質鮮嫩多汁，配上濃郁嘅蕃茄蒜蓉醬汁，味道鮮美十足。風乾德國脆豬手 配薯角•芥末蜜糖醬侍應介紹過呢度嘅鹹豬手係特登風乾過，所以食落去脆身少少，唔會太油膩。佢個肉質嘅鹹度啱啱好，特別嘅係佢嘅薯條，係粗身嘅薯角好似扭扭薯條咁，分量十足！另外甜品嗌咗開心果巴斯克蛋糕同埋雜果撻。兩個都唔會太甜，雜果撻上面嘅雜莓少少酸，所以中和返成個甜品。餐廳環境同服務都唔錯，而且價錢都合理，上菜亦都好快，仲有少少打卡位。