Lara Lara

Open Now

Now Closed

今次經開油塘大本營，發現一間新開嘅小店，不但有台式手搖飲品，仲有啲久違了懷舊小食。忍唔住幫襯左兩杯飲品，買咗兩包懷舊小食，仲有腐竹蛋薏米糖水返屋企做宵夜。🍹🍹店員推介下試咗呢啲杯叫KB824，據聞係老闆為咗紀念自己喜愛嘅球星高比拜仁而設計。賣相已經好吸晴，顏色調得好靚，分量巨型，味道類似青檸梳打，天時暑熱飲啱晒。🧋🧋另一杯試咗桂花烏龍+ 紅棗蜜 +珍珠，桂花烏龍同紅棗蜜味道異常地夾，加埋珍珠，味道好有層次，唔會太甜。🍪🍪懷舊小食選擇好多，有南棗糕、鳳凰卷、蛋卷、話梅、魚乾、金桔、水泡餅、肚臍餅等等，真係充滿童年回憶。🥚🥚夜晚試埋個腐竹蛋薏米糖水，足料，勁多薏米腐竹，味道唔會太甜，好有自家製感覺。