麵家山下 (Closed)

我好中意食拉麵，所以公司同屋企附近大大細細嘅拉麵店基本都比我試過，最近聽講元朗有間拉麵店叫麵家山下嘅拉麵好得，本嚟想等休息日先過去，但今日就忍唔住過去食喇，估唔到咁出名嘅拉麵店咁細間，但裝修都好用心，聽講老板娘系日本人，咁拉麵應該會做得比較正宗喇。拉麵有四五種，每款都相差唔多，就系配菜嘅多少問題，價錢貴就會多D配料，我點左個拉麵DX，揀左黑蒜味，開始我仲有D擔心黑蒜味會唔會太過濃，聞起嚟的確好濃，但入口又一D都唔覺得，反而會覺得有淡淡嘅蒜香味，有四塊燒過嘅肥叉，肥瘦比例簡直系黃金組合，叉燒兩邊又燒過，所以肥叉食起嚟覺得好香口，但又唔覺得肥同油。跟住就梗系要試下D麵喇，好彩都無令人失望，而且仲覺得有D驚喜，麵身好彈牙，好有韌勁。當然一碗好嘅拉麵，比你嘅驚喜唔止咁少喇，筍片都會令你愛上呢度嘅拉麵，我平時唔多鐘意食都覺得D筍片好好味，好爽甜，比其他店食到嘅要好食好多，幾十蚊一碗咁正宗嘅拉麵，超值。