樂心快餐店

Open Now

Now Closed

晏咗少少起身，又唔係想食一個full lunch，經過呢間，2pm就有下午茶，諗住求其食啲嘢，點知有驚喜！叫咗個叉燒蛋包、熱檸茶走甜。見到個廚會先搽D牛油上包煎熱，係好有心機慢慢煎好兩面，跟住落叉燒，炒蛋，最後夾好個包落紙袋。見有位，就即刻坐低食，新鮮整出嚟真係好正！個包微脆，蛋唔太乾，有埋叉燒粒豐富咗個口感！ 十分值得推薦！😋😋😋個檸茶係正常茶記檸茶，ok 啦⋯⋯ 不過大家記住如果要走糖，就算係熱飲都要預先叫走甜，佢default係有糖。雖然我係下午茶時間嚟食，但其他時段都可以單買個包（$19）。提一提星期六佢哋係休息唔開㗎！