上戶酒場 (Closed)

約朋友於九龍城午餐，佢介紹上戶酒場，噤就一齊入去食個晏，門面全木裝飾，已經好有日本居酒屋的感覺，入到去裝修都主要以木為主，座位都好闊落，仲可以望到廚房，見到師父一路煮食物嘅情況；咁我哋簡單你叫咗伊佐木魚刺身，櫻花蝦豆腐和一些串燒，用嚟送下咖啡酒；伊佐木魚刺身賣相好靚，用嚟打卡就一流啦，食落亦都好鮮甜，新鮮美味，再加上用嚟點嘅醋，蒜和蔥碎別有一番；櫻花蝦豆腐的櫻花蝦鋪滿豆腐，再將櫻花蝦炸至鬆脆，而內裡嘅豆腐保持濕滑，一口食落去有櫻花嘅爽脆同埋蝦香味，再加上豆腐嘅淋滑，質感和口感都十分精準美味，值得推介；居酒屋就一定唔可以冇串燒啦，而上戶酒場的串燒做得比較特別，佢哋會做煙燻嚟做串燒，所以每一款串燒都有一種特別嘅煙燻味，一種好有特別嘅感覺；而最後佢哋亦都會將伊佐木魚用椒鹽炸脆，再上碟用嚟送酒真係一流，啲魚肉經過椒鹽炸脆之後，更加鮮甜香口；總括來說呢間真係一間好嘅居酒屋！