Video
Read full review
2013-05-31
361 views
今朝早啲返工，就係想去呢度食粥，為炸兩外賣無咁好食地點街市內熟食檔，地方當然唔算富麗堂皇，普通摺枱膠櫈，傳統嘅粥店已經買少見少，幸好有冷氣，而家真係無本事坐熱辣辣嘅地方食一餐！叫咗：豬紅粥（$11）（多粥）：粥好快上枱，滿滿一碗，好多蔥花，粥底夠味，豬紅唔腥，攪碎撈粥食一流！份量大，我好努力都只係食到三份一！炸兩（$7）---阿姐即叫即製上枱已經好滿意，炸兩散上（平時見嘅會一排排）腸粉皮好彈，好軟，配埋油炸鬼（雖然油炸鬼唔脆，但唔乾，唔係擺咗千年嘅隔夜貨），煙煙韌韌，我加少少甜醬及辣醬釣味（我唔係食醬料，係食炸兩），甜甜辣辣，加埋甜豉油！簡簡單單已經好正!欣賞係每張枱放滿粥品嘅調味料，一應俱全，因為見有芝麻，今日無食腸粉，無用到！好多連鎖式店鋪都無！樓面阿姐好勤快，亦好細心，因為我見到其他客人嘅特別要求，都記得同無漏，雖然地方草根，但餐具乾淨（唔會黏淋淋）！滿足嘅一餐，只係$18
豬紅粥（$11）（多粥）：粥好快上枱，滿滿一碗，好多蔥花，粥底夠味，豬紅唔腥，攪碎撈粥食一流！份量大，我好努力都只係食到三份一！
炸兩（$7）---阿姐即叫即製上枱已經好滿意，炸兩散上（平時見嘅會一排排）腸粉皮好彈，好軟，配埋油炸鬼（雖然油炸鬼唔脆，但唔乾，唔係擺咗千年嘅隔夜貨），煙煙韌韌，我加少少甜醬及辣醬釣味（我唔係食醬料，係食炸兩），甜甜辣辣，加埋甜豉油！簡簡單單已經好正!
欣賞係每張枱放滿粥品嘅調味料，一應俱全，因為見有芝麻，今日無食腸粉，無用到！好多連鎖式店鋪都無！樓面阿姐好勤快，亦好細心，因為我見到其他客人嘅特別要求，都記得同無漏，雖然地方草根，但餐具乾淨（唔會黏淋淋）！滿足嘅一餐，只係$18
Post
