Video
Read full review
2017-05-06
107 views
同牛魔王行街，梗係要一齊去食牛魔王嘅嘢啦，去到附近見到有一間御前牛盛嘅日式涮涮鍋，我哋兩個就入去試吓。店員都好好服務，帶埋我哋上去，仲安排左一張卡位俾我哋坐，位置好寬敞。然後店員俾咗張火鍋紙我哋選擇，我哋就揀咗椰子雞煲湯底，好得意呀！真係有一個椰子俾我哋架，將入面啲椰子水倒入個鍋入面，咁樣真係原汁原味椰子雞煲，而且湯底入面都有好多雞，聞起嚟好香呀！等個湯底滾之前，我哋就出去睇吓有乜嘢小食食，原來出面有啲自助小食、壽司、沙律、火鍋配料、醬油吧，比客人自己去攞，因為實在太肚餓啦，我哋就攞咗壽司返去食左先，三文魚壽司好新鮮，而且有三文魚腩架，必食啊！另外啲餐前小吃例如螺肉同埋八爪魚都好好食，細細碟可以醒胃。 食火鍋最緊要梗係有混醬啦，仲有我至愛嘅生雞蛋啊，而且有好多混醬配料選擇，有辣有唔辣，任君選擇。之後我哋就返埋位食埋啲刺身，刺身好靚呀，而且望落去都好新鮮啦，刺身都有好多款選擇，我哋就揀咗六、七款刺身嚟食，樣樣都好好食，食落去有鮮甜嘅味道，必食係三文魚同埋甜蝦刺身啦。火鍋配料有好多種類選擇，分得一清二楚，好清晰可以比客人選擇，而且係任叫架！不過當然就唔好浪費食物啦。餐紙分咗牛肉類、海鮮類同
店員都好好服務，帶埋我哋上去，仲安排左一張卡位俾我哋坐，位置好寬敞。
然後店員俾咗張火鍋紙我哋選擇，我哋就揀咗椰子雞煲湯底，好得意呀！真係有一個椰子俾我哋架，將入面啲椰子水倒入個鍋入面，咁樣真係原汁原味椰子雞煲，而且湯底入面都有好多雞，聞起嚟好香呀！
等個湯底滾之前，我哋就出去睇吓有乜嘢小食食，原來出面有啲自助小食、壽司、沙律、火鍋配料、醬油吧，比客人自己去攞，因為實在太肚餓啦，我哋就攞咗壽司返去食左先，三文魚壽司好新鮮，而且有三文魚腩架，必食啊！另外啲餐前小吃例如螺肉同埋八爪魚都好好食，細細碟可以醒胃。 食火鍋最緊要梗係有混醬啦，仲有我至愛嘅生雞蛋啊，而且有好多混醬配料選擇，有辣有唔辣，任君選擇。
之後我哋就返埋位食埋啲刺身，刺身好靚呀，而且望落去都好新鮮啦，刺身都有好多款選擇，我哋就揀咗六、七款刺身嚟食，樣樣都好好食，食落去有鮮甜嘅味道，必食係三文魚同埋甜蝦刺身啦。
火鍋配料有好多種類選擇，分得一清二楚，好清晰可以比客人選擇，而且係任叫架！不過當然就唔好浪費食物啦。餐紙分咗牛肉類、海鮮類同埋蔬菜類。我哋每樣都叫咗一啲，最重要梗係食牛啦！我哋兩個人都叫咗好多牛，就咁望落去啲牛半肥瘦，而且咬落去唔靭，容易咬，咁嘅價錢有咁嘅質素嘅牛，梗係食盡佢啦，哈哈！所以嚟到必食嘅係牛。
海鮮類我哋就揀咗好多海蝦，只需要放入鍋大約2-3分鐘，啲蝦就會變咗鮮橙色，啲肉仲要好爽口啊，不過記緊唔好放咁耐，如果唔係啲肉就會變「鞋」啦。
食唔夠飽又唔想等落單，可以出去自助火鍋配料吧自己夾，好方便，佢啲丸類好好食，特別係貢丸同埋牛丸，咬落去好爽口啊，好有口感，而且仲要大大粒。
飲品方面都有好多選擇，有我至鍾意既巨峰呀，佢仲有果汁先生系列嘅蜜瓜奶啊，正！
最後就梗係食返啲甜品啦，我最鍾意佢有韓國朱古力脆皮，雲呢拿係入面嘅雪糕，我仲食咗兩三個啊，另外又有雪米糍同埋牛奶冰冰食，呢一餐真係好豐富，捧住個大肚腩出門口，哈哈！
最後埋單都係＄400都唔使啊，即係一個人＄200都唔使，仲要包埋有升級刺身食，價廉物美，下次會再嚟過食！😋
Post
