我是羔羊 義 羊腩火鍋專門店 (Closed)

📍我是羔羊 義 羊腩火鍋專門店 (銅鑼灣)天氣轉涼 想暖暖身子 一於去打邊爐啦 朋友介紹左我去食羊腩煲 估唔到食材新鮮 羊肉幾腍 容易嚼爛 加上大部份牛肉都好食 朋友無介紹錯呀🥢羊腩煲$268份量十足嘅羊腩，舊舊都係啖啖肉，脂肪比例好平均，羊腩配上腐乳一齊食好惹味，而且好容易嚼爛。湯汁加埋配菜、馬蹄、枝竹、冬菇一齊滾 食物索曬湯汁好正呀！，當食完大部份羊腩，侍應加入湯汁就開始打邊爐啦🥢美國牛小排(推介)＞牛舌(推介)＞封門柳美國牛小排：牛肉有油脂雪花分布，好鬼吸引，輕輕涮幾秒就食得，食落肉質軟滑有種溶化感覺，食完一塊又一塊停不到！必食之選！牛舌：一片片新鮮嘅牛舌心，擺放得整整齊齊，而且切得非常薄，輕輕涮下就食得，肉質非常爽滑，真心推介！封門柳：牛肉肉質少少韌，要有嚼口，但食落唔會癡牙，而且比較有香濃牛肉味，不妨一試🥢海鮮配料點左虎蝦、帆立貝、廣島蠔、雪場蟹柳及水魷魚等。當中廣島蠔大大隻，蠔肉肥厚，食落鮮味多汁，值得推薦！🥢飲品方面我點了一杯生啤及青檸菠蘿梳打，青檸菠蘿梳打味道新鮮香甜，飲落透心涼，十分解渴，食完羊腩煲可解解膩架！