廚十三老壇酸菜魚 (太子集團中心) (Closed)

一直book mark左呢度食酸菜魚，但因為疫情關係，少咗出關食飯，今日難得同埋個志同道合嘅朋友一齊嚟，大家都好期待呀！而家食好嘢，好多時都會貢上商廈搵食，呢度燈光光猛、環境整潔、好多卡座位，部份玻璃窗仲睇到海景view 添😍必食嘅一定係酸菜魚，我哋兩個人嗌左個細分另外加咗萵筍、 藕片同寬粉。侍應端上好大盤酸菜魚，賣相好靚、顏色鮮艷吸睛，香辣味撲鼻而來。酸菜魚我哋叫咗正常辣度，湯底有好多唔同嘅配料而成，辣味層次豐富，味道平衡，萵筍，蓮藕爽脆，又索曬味。寬粉同酸菜魚係絕配，寬粉入口滑身又煙韌。小食叫左個上上簽，好似大雜燴咁，每款食物都可以試下。食物由竹籤穿着，浸係個秘製湯底凍食嘅。飲品點左杯芒果梳打特飲，清香解喝。呢一餐滿足到我哋黎之前嘅期望，一定有下次。