稻菊日本餐廳 (Closed)

關於食方面，我承認有的時候我好自私，這是指有時不想把好餐廳介紹比人，怕餐廳紅左人就多。但今次真係想推介下，因為真係好好食。從朋友處得知TST稻菊來了位guest chef，專做鐵板燒的，居然係女師傅。我從未試過食日本菜有日藉女師傅，所以一聽到決意試下。呢位師位每晚大概只能serve 一桌約8位客，所以需要預訂。原來女師傅本來在東京一酒店工作，最近跟隨老公來香港暫住，所以亦試一下在港工作。既然為師傅而來，當然點了她的特別menu。menu 有兩款，約$1000 及 $1400，因為menu內有日本和牛，我覺得價錢尚算合理，大時大節偶然豪下都ok。$1400 menu 主菜有白子、鮑魚、鯛魚、和牛、 帶子(唔記得是餐包或額外加)。師傅不是普普通通的用醬油煎煮，她每款食物都有特別調製的sauce，我最喜歡就是煮帶子的那個cream sauce，很西式、很好味。鯛魚的魚鱗也用了來入菜，師傅把魚鱗煎得很香脆，像食薯片一樣。除主菜外，師傅炒的雜菜及炒飯也特別好味，香口而又不會太油。是一餐很滿足的晚飯，希望找個大日子再encore。