萬發海鮮菜館

Open Now

Now Closed

嗰日上網見到有人介紹呢間嘅黑椒薯仔牛柳粒， 我本人非常之鍾意食薯仔所以好有興趣。 嗰日同女朋友一齊去食， 叫咗三個餸分別係， 椒鹽九肚魚， 魚香茄子煲， 同埋主菜嘅黑椒薯仔牛柳粒， 仲有兩碗飯。 上菜都幾快，但係一上菜就知道出事啦， 因為三個餸嘅份量都好多 兩個人一定食唔曬。 但係點都要試曬三個餸， 先講個椒鹽九肚魚，正常水平，唔算好特別，但係都好食。再講個魚香茄子煲， 用煲仔上令到d茄子有煲仔嘅香味，都幾好食。 最後係黑椒薯仔牛柳粒， 薯仔有稍微炸過，外脆內軟，牛柳粒非常嫩滑多汁， 之後再用蜜糖炒過，成個餸非常好食。 最後我同我女朋友 就食曬椒鹽九肚魚同埋啲黑椒薯仔牛柳粒， 將啲魚香茄子打包拎走。 非常滿足嘅一餐。