金雞去骨海南雞專門店

Open Now

Now Closed

入西貢staycation, 梗係search下有咩好味先啦。其中揀咗呢一間，我哋真係去搵呢一間嚟食。間餐廳一啲都唔起眼，經過左都可能會見唔到…… 好彩老公眼利，捉住我話係咪呢一間？其實原來裏面好細嘅咋，好彩我哋平日嚟，可以坐低慢慢食。我哋三個人嗌咗二人餐。個海南雞真係好滑！好好味！然後我哋嗌咗個煎肉餅，我個仔食到舔舔脷！個南瓜湯都超級濃郁好味道！點算呀！咁好味！下次如果唔係平日嚟，咁咪好難食到？我哋一路食嘅時候，其實不停不停不停都有好多人嗌外賣。所以我估平日啲街坊都係嗌外賣嚟食。如果連街坊都不停不停不停嗌外賣，咁你就知有幾好味。