麻辣小聚 (93WYS) (Under Renovation)

突然之間心血來潮好想食麻辣嘢，所以就上網搵咗有啲乜嘢麻辣嘅餐廳好食，講到食麻辣嘢，我自己就最鍾意四川嘅風味！最後揀咗呢一間麻辣小聚😋🔥呢間餐廳嘅款式好多，而且主打都係四川風味嘅菜式！我哋叫咗一份回味水煮魚，呢個水煮魚入面係用緊海鱸魚，成個味道都好香濃，而且呢個麻辣風味絕對足夠！好正宗嘅感覺！而且呢個魚肉嘅份量好多，重點係非常嫩滑😍好好食！另外仲有一個正宗招牌香辣蟹，呢個香辣蟹好吸引，蟹肉非常飽滿，而且蟹肉嘅味道好鮮甜，加埋少少麻辣嘅香味，真係一個非常正宗嘅菜式！