Video
Read full review
2019-04-06
1076 views
依間係男朋友食過覺得好食，所以帶我去食既。淨係門口已經好有日本居酒屋feel，不過入面既侍應就唔多有feel，大部分係發音唔純正、非日本人既姨姨黎，不過全部都好nice。一黎先有前菜：我諗應該係三文魚黎，有陣魚油腥味，但個樣好似牛肉，仲有筍粒，我個人唔係咁中意。依個拖羅真係好好食⋯同之前係大阪中央市場食到既有分別，中央市場既軟身啲、入口即溶，唔洗點咬，京笹既反而爽啲，但一樣充滿魚油味，未至於入口即溶，因為口感較爽，不過係香港眾多既日式餐廳，佢真係好出色（當然無得同日本比）無係可以再encore既拖羅！原條池魚刺身，姨姨話要點薑+豉油僻魚腥味，但其實唔洗加薑都得，完全唔腥，只不過加左會豐富左個味道，清新啲～食晒啲肉之後，姨姨會拎走你條魚骨去炸，可以連骨食，超級香脆，完全唔會浪費條魚既任何一忽，抵啊！一向愛食帆立貝既我，反而無好中意依度既，唔夠creamy軟身，但仍然好鮮味。三文魚茶漬飯，依個就一般般啦，無特別令人驚奇，日本既好食啲。壓軸既係海膽壽司！係比千兩好食好多既海膽壽司，質素太概同黑門市場2500yen一粒既鮮味差唔多，唔腥，但唔creamy，同漁市場既真係無得比。都係果句啦，雖然
淨係門口已經好有日本居酒屋feel，不過入面既侍應就唔多有feel，大部分係發音唔純正、非日本人既姨姨黎，不過全部都好nice。
一黎先有前菜：
我諗應該係三文魚黎，有陣魚油腥味，但個樣好似牛肉，仲有筍粒，我個人唔係咁中意。
依個拖羅真係好好食⋯同之前係大阪中央市場食到既有分別，中央市場既軟身啲、入口即溶，唔洗點咬，京笹既反而爽啲，但一樣充滿魚油味，未至於入口即溶，因為口感較爽，不過係香港眾多既日式餐廳，佢真係好出色（當然無得同日本比）無係可以再encore既拖羅！
原條池魚刺身，姨姨話要點薑+豉油僻魚腥味，但其實唔洗加薑都得，完全唔腥，只不過加左會豐富左個味道，清新啲～
食晒啲肉之後，姨姨會拎走你條魚骨去炸，可以連骨食，超級香脆，完全唔會浪費條魚既任何一忽，抵啊！
一向愛食帆立貝既我，反而無好中意依度既，唔夠creamy軟身，但仍然好鮮味。
三文魚茶漬飯，依個就一般般啦，無特別令人驚奇，日本既好食啲。
壓軸既係海膽壽司！係比千兩好食好多既海膽壽司，質素太概同黑門市場2500yen一粒既鮮味差唔多，唔腥，但唔creamy，同漁市場既真係無得比。
都係果句啦，雖然同日本既相差一大截，但係香港既日式料理黎講，京笹真係很不錯，只係價錢好貴，同一個價位，我諗係日本可食兩餐高質既日式料理了。
Post
