御八築地 (Closed)

今晚黎左呢度食飯，數數手指，都有有兩年無黎過啦。可能時間尚早，唔使等位就入到去啦，實在太好。三文魚刺身好新鮮，呢先係三文魚呀，好耐無食過。三文魚壽司呢個都唔錯，三文魚好肥美。不過壽司飯就暖既，唔係太好。一品牛都唔錯既，牛都好有味，不過都係以前好食。火龍卷次次黎都會食既，舊蝦新鮮炸起。配壽司真係一絕，好難搵到有間好食過佢既。豚肉石鍋飯呢個唔多得，因為個石鍋唔夠熱。此外，個飯太多汁，搞到個飯無乜飯焦，呢個好失望。帆立貝芝士燒只係得兩隻，但帆立貝好好味。又多芝士，夠哂足料。實有下次既，因為物超所值同食物質素唔錯架。要彈既係，坐得無咁舒服。