Video
Read full review
2017-12-06
568 views
閨密生日, 決定兩姐妹一齊食好野! 一於食豪D! 我地都鐘意食日本野,不過今次唔想食普通 Sashimi or sushi, 揀左去銅鑼灣食磯燒 – 磯野水產! (hehe…聽個名好似去築地食海鮮咁) Btw, 好在之前有book定位咋, 上到去發覺位唔多,係食高級日本野既!第一次去食磯燒, 睇完份menu都無乜idea點叫, 不過店長好好, 主動走過來幫我地介紹。哥哥話: “如果你地鐘意食海鮮既,可以叫個set, 有唔同既海鮮,可以做刺身、天婦羅、燒物, 而且叫仲有野玩添(下面講) , 好豐富架! “ 聽落好吸引咁, 所以我叫左個”特撰盛合”做主食。不過上主食前, 又點可以無d開場小食呢？我地前菜、沙律、下酒物同燒物, 樣樣都要點>v< !!! 前菜 - 店長推介”野菜條沙律伴鯷魚醬”! 原來鯷魚鹹鹹地架,個漿原來混左甸魚醬&多春魚蓉,味道好豐富,用好清既沙葛、紅蘿蔔、生菜點黎食, 又爽脆又有鹹香, 好特別! 沙律- 我地叫左”和牛他他蓉沙律” , 其實第一次食他他, 上碟果陣見好生咁, 都驚食唔到! 不過原來係要將只鵪鶉蛋撈埋d和牛, 再用羅紋菜或者紫菜包黎食架
第一次去食磯燒, 睇完份menu都無乜idea點叫, 不過店長好好, 主動走過來幫我地介紹。哥哥話: “如果你地鐘意食海鮮既,可以叫個set, 有唔同既海鮮,可以做刺身、天婦羅、燒物, 而且叫仲有野玩添(下面講) , 好豐富架! “ 聽落好吸引咁, 所以我叫左個”特撰盛合”做主食。不過上主食前, 又點可以無d開場小食呢？我地前菜、沙律、下酒物同燒物, 樣樣都要點>v< !!!
前菜 - 店長推介”野菜條沙律伴鯷魚醬”! 原來鯷魚鹹鹹地架,個漿原來混左甸魚醬&多春魚蓉,味道好豐富,用好清既沙葛、紅蘿蔔、生菜點黎食, 又爽脆又有鹹香, 好特別!
野菜條沙律伴鯷魚醬
23 views
0 likes
0 comments
沙律- 我地叫左”和牛他他蓉沙律” , 其實第一次食他他, 上碟果陣見好生咁, 都驚食唔到! 不過原來係要將只鵪鶉蛋撈埋d和牛, 再用羅紋菜或者紫菜包黎食架! 哈~講真有d似食海膽咁! 食落陣牛肉味好鮮,一點都唔腥, 重點係d牛撈埋鵪鶉蛋真係非常之滑, 食落有好多洋蔥同青瓜粒, 層次好豐富!
和牛他他蓉沙律
23 views
0 likes
0 comments
下酒物 – 同樣店長推介”鹽燒銀杏” ,其實銀杏即係我地既白果! 聽落好似無特別,但其實呢種日本銀杏係特別大粒架! 不過最吸引既,係整碟銀杏鋪滿鹽,好似雪白既雪,好有格調! (下酒物就係要有格調,再配酒飲先開心架麻!)
鹽燒銀杏
43 views
0 likes
0 comments
燒物 – 有我最鐘意食既玉子燒, 不過既然要豪食, 當然黎個升級版啦! 所以叫左”黑松露明太子玉子燒", 齋聽玉子燒包著黑松露&明太子都知好食啦! 加左黑松露真係好香, 配埋明太子就更加濃郁! Prefect!
黑松露明太子玉子燒
19 views
0 likes
0 comments
接落黎終於主食出場啦! 店長拿左盤海鮮出來show比我地睇,原來特撰盛合包左好多海鮮架! 有響螺、赤蝦、帆立貝、鮑魚、雪場蟹腳, 重點係今晚既時令魚有喜知次啊! 我聽過喜知次好正,但好貴,聽就聽得多啦,今晚終於可以一試!
特撰盛合
7 views
0 likes
0 comments
刺身 – 響螺當然用黎做刺身啦! 響螺本身都幾大只, 師傅刀工又好, 響螺片得好薄, 又好大片, 食落爽口彈牙, 充滿螺既鮮味!
響螺
6 views
0 likes
0 comments
天婦羅 – 我地選左赤蝦做天婦羅! 一人有一只, 不過赤蝦勁大只, 天婦羅由蝦頭脆到蝦尾, 炸粉好薄, 但蝦身仲好滑, 唔似其他地方炸到死實實!
天婦羅
5 views
0 likes
0 comments
燒物四食
鹽燒喜知次 – 真係無得彈! 咁大個女都無食過咁正既魚架! 師傅話喜知次其實好少有得食, 因為係深海魚, 要睇時令同撞正有無咁大條! 今次條喜知次, 我地決定鹽燒! 因為覺得越靚既魚,應該要用最原始既方法整,先食到鮮味! 鹽燒就最適合啦! 果然上碟果陣聞到好香, 喜知切經過鹽燒, 表面香脆, 魚味好濃郁! 不過夾開黎食仲正啊! 魚肉唔單止好香好滑, 最重要係極之juicy! 平時食燒魚通常都好乾憎憎, 都係第一次食皮脆肉嫩又多汁既燒魚! 不過我閨密仲誇張, 食個魚頭食晒, 佢話呢骨都燒到好脆好香, 個頭先係最正喎…哈!!
鹽燒喜知次
12 views
0 likes
0 comments
鮑魚濱燒 – 當然都係係面前即燒啦! 見到師傅一路燒, d鮑魚就一路郁! 有d唔忍心 (但個肚抗議, 話好香, 叫我快d食! 初先我以為燒過既鮑魚會好韌, 但又唔會喎, 個心好軟, 但又好有咬口!
鮑魚濱燒
6 views
0 likes
0 comments
雪場蟹腳濱燒 – 最尾見到蟹腳真係好開心! 因為對上一次食, 已經係3年前係大阪食既事! 雪場蟹腳就係雪場蟹腳, 蟹味既鮮甜同一梳梳既蟹肉, 真係無得輸! 最重要係燒完要即食, 因為凍左少少就已經唔係最好食既時間! (當然師傅都係我地面前即燒即食, 所以我地先食得好正既味道)
雪場蟹腳濱燒
8 views
0 likes
0 comments
帆立貝濱燒 – 師傅係我地面前用火槍即燒!
見住只帆立貝慢慢開口, 好似叫我地快d食佢咁! 食左咁香脆既喜知次, 燒帆立貝決定用配清酒燒! 其實帆立貝只係新鮮、大只就好好食! 師傅燒到剛剛好, 表面燒脆, 內裡半生熟, 有刺身既口感又有燒物既香!
帆立貝濱燒
5 views
0 likes
0 comments
特別遊戲 – 原來點一個盛合set, 可以玩一次”一手蜆”架喎! 只要我地一手拿起幾多只蜆, 就會用來做”清酒煮蜆” , 又幾得意喎! 初先我以為好容易那得起10幾20只, 但原來d蜆都好大好滑手, 最後得10只咋! 都好, 有免費清酒煮蜆食, yummy!
其實今次真係食得特別豪! 所以真係非常極之飽, 但女孩子又點可以唔食甜吧呢？所以叫左番薯雪糕 + 柚子雪芭, 味道好清新! 最適合作為今餐生日飯做一個結尾!
番薯雪糕 + 柚子雪芭
6 views
0 likes
0 comments
Post
