Puzzle Dining (Moved) New Location

今日發現馬鞍山終於唔係美食沙漠 男朋友住喺馬鞍山一路以來我地都覺得呢到好似冇乜嘢食 但最近有人推介我哋去馬鞍山泳池隔離嘅一間新開嘅西餐廳 今日見星期日就即管去試吓咁我哋呢就燒咗一個燒白鱔 佢個皮燒得好香脆 而且白鱔嘅味道一啲都唔腥 反而有豐富嘅油脂香 我哋另外再整左少少檸檬汁係上面更加野味!!第二個我哋嗌左一個意色青醬雞肉意大利麵 首先要讚下佢嘅青醬煮得幾好 唔會太稀而且味道調得剛剛好 而且感覺到每條意粉都會有相應嘅醬喺上面證明佢都炒得好均勻 雞肉亦都唔會overcooked第三個係今晚嘅MVP!! 喺美國安格斯肩胛小牛柳 我哋要咗五成熟 基本上上碟嘅時候我哋都已經好驚訝點解佢可以煎得咁靚 食埋落去佢嘅口感比較實淨 但係濃厚既牛味非常rich 好少根位 加埋佢side嘅新鮮炸薯角 都好感嘆此應天上有嘅居然會喺馬鞍山出現 haha亦都最後梗係唔少得要嗌多個甜品 呢個甜品比較特別係我哋食咗泡芙瑪莉餅前面嘅忌廉加埋棉花糖之後 佢後面係有一個好懷舊嘅雪糕三文治 非常有特色 而且佢嘅三文治入邊嘅雪糕仲要係新鮮冇溶到 !!我哋都決定下一次會再返嚟試多幾次佢唔同嘅主菜