韓日屋燒烤放題 (Closed)

係旺角行行下街，細路仔話想食韓燒，聽人講話ｅ間幾好，就上去試下，夜晚6：30上到去已經好多人等位！由於我地三個人中有兩個唔食生野，所以我地只係叫左韓燒任食，無加到日式刺身，但係其實好明顯食埋刺身係抵ｄ呀！現場任叫任食，汽水啤酒任飲，我第一轉就叫左牛肋骨肉 同另外一ｄ薄牛同一口牛，牛肋骨好大塊好正，都幾有牛味，大塊到要用剪刀剪，之後食海鮮，有蝦，凡立貝同蠔不過ｄ蠔就變左啦，好臭，款黎講佢地都好多款，有牛，豬，雞，羊，海鮮，重有另外一些小食，有天婦羅，同一ｄ韓式小食，總結黎講都好抵食，ｄ侍應服務好好，唯一唔明係點解一間韓燒餐廳抽氣咁差，只係用冷氣黎抽風，所以都幾大味，不過就真係抵食