蟹家鉄板燒 (Closed)

女朋友生日, 咁佢就好鍾意食蟹嘅, 本身都諗住去食自助餐, 但係佢又唔食生蠔又唔係食好多嘢, 咁就不如食得專d， 況且自助餐啲蟹都唔係新鮮， 咁就食餐好啲啦， 經朋友介紹得知呢間餐廳，於是就試下。去到好彩有張海景枱，咁坐低左我地就叫左個毛蟹二人餐，侍應攞左隻生蟹俾我地望下，望完之後就開始啦。一開始是刺身，有三文魚及蟹腳，餐廳都好細心，去晒d蟹殼，之後食落去都好鮮甜，新鮮嘅味道，雪藏完全係食唔到呀！之後就係薯蓉炸物，裡面加左d蟹肉，但係本身自己就麻麻地炸野，所以就無咩感覺。之後就係主菜啦，蟹蓋同個蟹身，今次就唔係刺身，已經烚熟左啦，蟹身d肉都係一樣咁鮮甜，啖啖肉，而個蟹蓋就不得了啦，蟹膏非常鮮甜，直頭係個口留香。之後和牛到啦，好多牙菜仔，而d和牛都幾鮮甜，裡面重有d蒜片係度，幾香，入口都溶。之後就係火鍋啦，有d蟹鉗同蟹腳，另外有兩隻新鮮蠔， 另外仲有好多菜 有冬菇， 食落去都幾鮮甜， 心諗如果有個拉麵家落去就好了。d菜都有好多，都有食剩。最後就係最後蟹肉煲仔飯啦，裡面有好多蟹肉，而煲仔飯都煲得好香，份量就剛剛好，食完就兩個都飽啦。總結黎講都幾好味，份量都唔細，會再黎。