祥仔辣辣 (海運大廈) (Closed)

好正嘅海景餐廳，位置好優越，氣氛好舒服！佢哋新推出嘅烤魚真係幾好味，我哋揀咗海鱸魚，配金波羅酸辣味同魔鬼地獄味！金波羅酸辣味用咗菲律賓菠蘿同自製金湯，味道好獨特清新，酸辣解辣。而魔鬼地獄就用咗三款辣椒，所以辣味好重，好適合辣味控！我哋仲揀咗三國演義 - 墨魚三色滑（半份），有南瓜味、波菜味同原味三款口味，口感好爽口有彈性，好好味！雪花肥牛卷都係好出色嘅美食。配菜叫左咕嚕咕嚕元氣九宮格，有九種唔同嘅嘢食，全部都幾好味，擺盤仲用乾冰整，好神秘好有氣氛！特色飲品都好好味，而且可以有成1.3 kg可以飲到好爽，叫左自柑墮樂同菠蘿Me，味道好輕盈清新，好舒服！啲特色飲品唔止味道好，仲係份量十足！甜品叫左咕嚕咕嚕圍爐肆甜，有桂花冰粉同水果，好涼爽！而且都係有乾冰，所以仙氣十足。