山海 (Closed)

2022.11.23 lunch呢一天放半日假，入左馬鞍山，女友未去過，呢度又有兩個商場，入嚟行下。 當然嚟之前係Openrice search 下有咩好食😁 搵到呢間，睇到相牛丼係用瘦牛㗎！正！啱晒我哋😃到步到點幾了，真好冇乜人😃 店外店內都好舒服，我倆都唔食生嘢，所以只可以向熟食進發🤪 最衰西京燒唔係銀雪魚，其實可以問吓先嘅，不過都冇問，因為一個一定揀和風燒牛肉盛丼，又見到有黑豚生薑燒丼，咁就揀咗一牛一豚😁 每個丼都跟黑豚味噌湯同時令果物 😊個湯都幾好味，不過油咗少少，時令果物係青提子三粒😋 生果唔食住。飲飲下湯牛丼就到了！ 嘩！女友見到都好開心😃 瘦牛！係瘦牛！好靚好別緻，又多牛，未食都夠好味呢⋯⋯不過，食落好似咸左啲，連我女友鐘意食咸啲都覺咸，咁應該都幾咸😝😝 希望下次嚟會有改善啦。我個黑豚生薑燒丼都到了，又係瘦㗎！好開心，啱晒我哋 😃 好味呀，如果啲洋蔥可以再腍啲就仲好味。提子最近先食，女友少食生果，我食五粒，佢食一粒，都新鮮ok好味。