叁拾咖啡室 (Closed)

經過呢間餐廳，見佢新開張，門口又大大張貼住「巨人雞脾」嘅海報，下午茶時間食炸脾薯條就最啱。咁既然放喺門口做招牌菜，當然要試一試啦! 入到去，餐廳裝修一般，地下好污糟，新開張都咁嘅樣... 坐低之後，聽到啲員工喺度大大聲爭論呢碟係邊張邊張枱、果杯唔係呢張枱、呢個唔係架... 心諗有無咁亂呀😓 。落單叫咗個巨人雞脾薯條，一分鐘後就上枱！我已心知不妙，炸定嘅？身為薯條狂迷嘅我一叉就叉條薯條放入口，嘩！不得了！凍嘅！ 唔脆！硬嘅！可以話係食過最難食嘅薯條！到雞脾，真係好巨、好大隻，但暖嘅.... 算啦，唔可以浪費食物，照食之外，無他選啦～ 但因為係巨人雞脾，我用刀切係切唔入，要好大力先𠝹到落去，可能佢本身諗住係要用手拎住大啖大啖食掛.... 味道一般，塊皮有味，裡面嘅肉無咩味，由於用刀切實在太攰，入面有頗多筋位，所以食咗一半就放棄咗。總結係....我唔會再幫襯，好後悔畀咗$35 食呢個下午茶。