山頭火 (iSQUARE國際廣場)

Open Now

Now Closed

要去睇戲得返好少時間食,就揀左食拉麵啦...入到去都好細間,d位好迫,再肥d都入唔到...裝修都幾日本feel,係細間囉...都唔係好多拉麵揀,同埋都唔係便...一百蚊碗啦,定食都差唔多...加粟米都要15蚊...同朋友一人叫左個拉麵,再加兩個小食...豬頸叉燒拉麵 (豬骨湯), 碟肉都幾大隻,但就真係超肥,好大舊肥膏痴住,都唔敢食,個湯好油,夠就夠熱,d麵好食,爽口...但真係好heavy咁...豬頸叉燒拉麵 (辣味湯), 都係同頭先一碗一樣,只不過係個湯紅d,有d辣油係度,但一d都唔辣...真係好油...係d麵叫好食....吉列蟹肉忌廉薯餅, 好似係特價20蚊,唔夠熱...冇辣口感覺,入面就好creamy,好溶都好味,只不過唔夠熱真係扣分...煎餃子,個皮都幾簿煎得都算ok,但都係一般...有d失望...估到一碗拉麵佢可以咁肥膩...讚o既係d拉麵好食,湯就唔得,真係食一次就夠...唔會再try了...