榕江潮州酒家 (Closed)

上次去榕江應該係食團年飯，幾好。今次老媽生日，再黎一次。首先，見待應人手不足，坐低都無擺低潮洲茶。算！叫野食。蠔烙係必然之選，味道保持水準，不過太多油。叫半隻雞，太廋，但碟底好多油。我個仔有感冒，食一舊已經有封喉嚨感覺。梅菜扣肉好惹味，油就應份，無野好講。滷水鵝肉要鬧，鵝少兼廋，豆腐多過鵝。最好係條蒸烏頭，算做OK! 仲有蠔仔粥，值得一試。又叫左壽包，唔記得落單，唔鬼要！埋單！又無潮洲茶，又要人食到成口油。盛惠$640，六個人。總體食物幾好，如果可以少油會好好多。待應同服務真係唔得，叫菜搵極都無人，扣分。