Video
Read full review
2016-04-05
3112 views
清明既三日長假, 我揀左其中一日同媽咪去樂富既呢間舊茶樓飲茶。原本真係唔知樂富有呢間食店, 但上次睇過本雜誌介紹「十大好味燒味店」, 話呢到既燒味水準極高, 所以今次特登黎食佢既燒味。點知大約十二點, 一入到門口我就嚇親了。三間地鋪打通既鋪頭, 入面竟然迫爆哂人, 門口就係點心位置, 好多人圍埋係到搶點心, 成個氣氛又嘈又混亂。一問之下先知呢到仲係要自己搵位既。 原來聽日就係清明節, 所以好多人係附近拜完山, 就黎左呢到飲茶。 所以真係人山人海, 但幸運既係有個佰佰同有對夫婦見到我係到等位, 就快快趣飲埋杯茶讓比我一家, 感到人間有愛。點心黎講呢到既價錢算係幾平, 而且只有劃分大點同非大點(小、中、優點) 兩個價錢。但要啲咩點心就一定要出去同人搶喇。由於好多客人, 所以唔好唸住「姐姐」會有好態度, 聲音粗獷伴隨住凌厲既表情, 如果唔想比佢地鬧, 去到就要即刻講得出你要啲咩, 等佢地執比你。但場內又無張貼有咩點心可以叫, 所以都係執生喇。呢到就係我既收獲喇, 其實味道都唔錯既, 不過口感就差啲, 腸粉有蝦味但唔夠滑, 燒賣一樣有肉香但嚡口。 金錢肚係少有既咖哩味, 幾特別, 不過我都係比
點知大約十二點, 一入到門口我就嚇親了。三間地鋪打通既鋪頭, 入面竟然迫爆哂人, 門口就係點心位置, 好多人圍埋係到搶點心, 成個氣氛又嘈又混亂。一問之下先知呢到仲係要自己搵位既。 原來聽日就係清明節, 所以好多人係附近拜完山, 就黎左呢到飲茶。 所以真係人山人海, 但幸運既係有個佰佰同有對夫婦見到我係到等位, 就快快趣飲埋杯茶讓比我一家, 感到人間有愛。
點心黎講呢到既價錢算係幾平, 而且只有劃分大點同非大點(小、中、優點) 兩個價錢。但要啲咩點心就一定要出去同人搶喇。
由於好多客人, 所以唔好唸住「姐姐」會有好態度, 聲音粗獷伴隨住凌厲既表情, 如果唔想比佢地鬧, 去到就要即刻講得出你要啲咩, 等佢地執比你。但場內又無張貼有咩點心可以叫, 所以都係執生喇。
鮮蝦腸粉
88 views
0 likes
0 comments
咸水角
75 views
0 likes
0 comments
叉燒包
60 views
0 likes
0 comments
金錢肚
84 views
0 likes
0 comments
燒賣
96 views
0 likes
0 comments
鳳爪
82 views
0 likes
0 comments
鱗竹卷
58 views
0 likes
0 comments
自取點心
71 views
0 likes
0 comments
我地黎既原因就係為左燒味! 緊係要嗌佢既炭烤燒味喇!
叫左兩碟飯, 一家人一齊食。
蜜汁叉燒飯(碟)
$35
128 views
0 likes
0 comments
估唔到一碟叉燒個份量都幾足, 叉燒厚切, 睇唔到脂肪, 但入口又唔係瘦叉甘硬, 肉質鬆軟無筋。
味道的確食到炭香, 佢唔係果種掛滿蜜汁既叉燒, 佢係比著較重炭香同肉味, 同時只會食到少少蜜汁甜味既叉燒。第一次覺得原來唔係一定要好甜好多蜜汁既叉燒先叫好味, 呢一種甜味比較收斂既風格原來都唔錯。
招牌燒鵝飯(碟)
$58
159 views
0 likes
0 comments
叫得招牌, 一定會對佢寄予期望, 但好可惜呢個燒鵝令我全家都頗失望。
燒鵝食唔到炭香, 而且得個咸味, 肉唔係嫩滑, 皮亦都唔脆。都係叉燒比較出色。
由於場內太混亂喇, 食飯期間, 有個侍應姐姐係甘走過黎望我地張點心卡, 然後話張卡唔係佢開既, 但佢又有印象開過比我地。我地已經同佢講左好多次, 話無見過佢開過卡比我地, 但佢都係我地枱擾攘左好耐, 同埋至少走左過黎五次話佢開果張卡唔見左。嗚, 我只係想一家人好好地飲個茶, 睇黎我揀錯左餐廳。
Post
