四季文昌 (Closed)

好耐無食火鍋啦，知道旺角開左呢間四季文昌，即刻仆到黎試，因為我真係好鍾意飲椰子雞湯。餐廳地方好大，座位闊落，而且裝修有格調，真係同舊派火鍋店好唔同！先點小食「海南東風螺」 ($52)，螺肉好爽口，用淡豉油調味，簡單得黎又能吊出鮮味，唔錯！原味椰子雞鍋 ($258/隻)，店員教我地落雞後冚蓋，待漏斗既沙流晒之後，約七分鐘再開蓋食就啱啱好。我地當然乖乖照做，雞件足一隻雞，肉質嫰滑；不過我更欣賞既係湯底，係好清甜既椰子雞湯，仲好味過阿媽煲！入面既係椰青肉，又甜又嫰，我同朋友係咁飲湯同加湯，真係齋飲湯都抵！食飽雞、飲飽雞湯，我地加左個「日本產地直送野菜籃」 ($49)，內有各種蔬菜同雜菇，味道好新鮮，尤其雜菇，粒粒飽滿，好食。之後係另一重點，「黑松露龍蝦煲仔飯」 ($238)，一打開蓋，松露既香氣即撲鼻而來；龍蝦足一隻，新鮮彈牙，估唔到傳統煲仔飯都可以配合好西式既松露龍蝦；飯底有焦香，喜歡食飯焦既朋友可以加埋椰子雞湯黎泡食，簡直一流！飲品方面，我叫左呢杯咁靚既雞尾酒「Rainbow」($120)，成分有伏特加、紅石榴糖水、橙汁、菠蘿汁、藍橙皮酒，雖然聽落去好多酒，但飲落去甜甜地，無乜酒味，好啱