放下素 (Closed)

好少好少食齋既我，今日因爲約左個食素既朋友，所以去左食齋！一去到，嘩！比想像中多款好多，保守估計有成50-60款食物！睇落都幾靚仔架！我首推娃娃菜炒粉絲，真心好好味，啲粉絲好彈牙又唔會太咸，堅好食！第二樣一定要試既係冰菜芯，好爽甜，煮到個熟到啱啱好，一啲都唔會過淋同過硬！第三樣要試既係薄餅，好原始pizza既味道，唔好以為無肉就唔好味，相反超好味！最後要推介既係甜品：（1）自己撈涼粉，好多配料，加上蜜糖同花奶，唔會太甜，又好味！（2）杏汁蕃薯糖水，好香杏味得來又唔會太重變藥水味！yummy!值得一提，呢間係社企來的，有些員工是殘障人士，但他們是非常有禮貌的，而且十分會幫助客人！