Oasis Bar & Grill (Closed)

冬陰功海鮮意粉🍝冬陰功醬汁唔單止濃味，仲流出青檸嘅味道，令到食物好fresh，係東南亞菜嘅感覺。而且仲有好彈牙嘅大蝦同大大舊嘅帶子同青口。食物種類都幾多，蝦同帶子都覺得煮得好唔錯，但青口比較細粒。意粉味道酸甜，好有冬陰公嘅味道而且意粉嘅硬度適中，唔會太軟。酥炸軟殼蟹蟹膏蟹肉黑松露意大利飯成大隻炸軟殼蟹放咗上面，每一啖都係脆口，但炸得唔會好乾身，而且食落去係有汁，鎖住咗軟殼蟹嘅味道。另外，意大利飯都係鋪滿醬汁，每一淡都食得岀蟹膏嘅味道。而且仲會有少量嘅蟹肉。中意食蟹嘅朋友真係唔好錯過。甜品西班牙油炸鬼配朱古力醬及雲呢拿雪糕佢地係即叫即整，所以上枱時係熱辣辣。咬落外表好脆，内裏有少少綿，點住朱古力食增加味道層次，加埋雪糕就係口感嘅變化，有種冰火交加嘅感覺，確實係幾得意。雖然份量偏少但都值得一試。Signature cocktail 🍹 叫左杯too hot too handle，好fresh水果味嘅cocktail ，酸甜得黎好易入口，適合新手同女仔試下。