孖寶去骨海南雞 (又新街)

Open Now

Now Closed

因為工作需要所以嚟到元朗又新街，見肚餓就隨意入咗呢間去骨孖寶海南雞飯食野。餐廳面積唔大，大概坐到20幾30人。環觀四周個個都點海南雞飯，個個都食，質量應該有返咁上下。所以我就叫左個大size嘅去骨海南雞飯 ($52) 配油飯，另外嗌咗杯熱華田 (跟餐+$4)。餐廳先送上跟餐嘅例湯，南瓜粟米紅蘿蔔雞腳湯，睇顏色就知道落咗好多南瓜，味道十分鮮甜，一啲都唔覺落左味精，正！去骨海南雞飯嘅雞十分嫩滑，雞味唔錯，海南雞跟有三款唔同嘅醬汁：薑蓉，甜醬油膏及甜辣醬，配上油飯，味道的確唔錯，難怪咁多人食。熱華田亦都好足料，所以跟餐+$4蚊嚟個算係好抵飲。