港澳義順牛奶公司 (Closed)

又到下午茶時間喇，今日趁老細未返公司，趁機偷懶一下，同同事出去辦事就順便揾食，今日我地目標好一致，去義順食雙皮奶，淋起就吞口水喇，好耐無食過喇。老字號嘅店面通常唔大，而且出名嘅就肯定要排隊，我地點左個豬扒包，一個人食會覺得有D飽，我地一個包兩個人SHARE，現點現做的好處就新鮮，豬扒好大舊，面包又烤得夠硬身，好食，最好系兩個食一個，再加一個甜品就剛剛好。姜撞奶姜味好重，都幾辣，如果唔接受太重姜味嘅 朋友就無點呢個喇，但中意姜嘅朋友就覺得好正，姜味重又加奶香，同埋真系好滑。我要嘅系紅豆雙皮奶，系呢度我最中意食嘅甜品，紅豆煮得好淋，又唔系好甜，雙皮奶好滑，奶味好香醇，入口即溶，朋友仔一定唔可以錯過呢個。