辛安東元祖奶奶雞 (Closed)

中式雞煲就食得多啦，今次去咗食韓國嘅安東元組老奶奶雞，係必食招牌，半隻雞$158來講我覺得都幾貴㗎！上咗碟之後份量都唔係話好多，兩個人食都唔係太飽，我哋叫咗小辣味道，成碗都係偏重口味，即使佢配左粉絲都要另外再加啲白飯去配搭，先會令冇咁鹹。除咗份量少啲同埋重口味咗啲之外，雞嘅方面就唔錯啦！幾嫩滑彈牙，有雞油香味，切得都幾大件，唔會話燉煮完之後織曬水好老好鞋身，蔬菜都令到個味道清爽少少，佢仲可以加多$30轉火鍋，就同出邊食雞煲差唔多啦！我覺得呢一間鋪頭已雞係主打來講佢係可以encore，但就會想食吓其他味道同小菜，我覺得始終原味都係太鹹啦～