Leonidas (Closed)

星期六係尖沙咀行街，見某電視節目介紹過呢間朱古力店，知道賣得既錢係用黎做慈善用途，於是買黎試下。買夠＄１００會有盒裝，有８－９粒度，買左既全部都係甜同奶味重既朱古力，因為我唔鐘意食苦。朱古力全部都好滑牛奶味好香，其中我最覺得最好食既係個淨牛奶朱古力（相中右邊有果仁係上面果粒），呢粒係大大粒既，而且唔會死實實，入口即溶，幾好。其他都有餡係入面，有香蕉味，咖啡味，榛子醬等等，款款都唔錯。不過相比起ｇｏｄｉｖａ，呢度就冇咁多款選擇。