聚小館 (Closed)

好滿意既一餐，今餐帶住兩老同bb食。一去到俾張大圓枱我地，職員幾個大男人無咩笑容但原來又幾鬼細心，攞張bb櫈出黎會用消毒紙巾幫你抺埋，又攞櫈俾你擺袋驚你坐得唔舒服咁。一黎就送左個青瓜，買相普通但食落新鮮。柚子咕嚕肉唔錯、柚子味再出d更好；乳鴿$68隻，好味夠juicy；魔鬼炒飯鹹香；豆腐煲惹味。最鍾意個生楂車厘茄，好開胃。我見好多枱都食鮑魚，下次會試下。整體感覺好乾淨、服務同野食好好、食得滿意，會再幫襯。