Video
Read full review
2005-06-23
41 views
今日原本要返工, 但係聽到呀媽話有齋食, 即刻點都要來! 我呢個食肉獸都食到lamlam脷的素菜, 一諗就知有d野啦~AMY係在座某朋友的親戚, 都仲要BOOK左好耐! 真係屋企人都冇情講呀!咁多個菜, 真係會有D唔記得。今日的報導應該得返70%…第一個係五小碟, 有AMY自制的海苔花生---十分之惹味! 撈粥空口食皆宜! 番茄苦瓜--- 唔食苦瓜的我都清佢場包佢底! D 番茄真係唔話得!芽菜又爽口又香, 青豆味道好NATURAL, 但又唔係草青味, 難以形容! 小辣椒用甜豆辦醬整, 總之5個都好特別! 食得出好有心機!之後呢, 係炸物。我食過3次, 次次唔同, 款款SURPRISE! 今次有芒果香蕉春卷, 炸素雞同炸香x(我真係盡左力, 打唔到果個字, 通常o係齋舖整到係魚型同埋雪糕係紫色架呢, 有心人請幫我打左個字同埋delete呢d description…唔想俾人知我咁stupid!~), 3樣都好好味, esp 芒果春卷! 加香蕉比加cream得好多!仲有一個好靚的燉冬瓜, 用蓮子, 夜光花, 銀杏, 紅棗等等。好清好fresh. 食開濃野的媽媽就嫌清過頭, 而我就食左好多銀
我呢個食肉獸都食到lamlam脷的素菜, 一諗就知有d野啦~
AMY係在座某朋友的親戚, 都仲要BOOK左好耐! 真係屋企人都冇情講呀!
咁多個菜, 真係會有D唔記得。今日的報導應該得返70%…
第一個係五小碟, 有AMY自制的海苔花生---十分之惹味! 撈粥空口食皆宜! 番茄苦瓜--- 唔食苦瓜的我都清佢場包佢底! D 番茄真係唔話得!芽菜又爽口又香, 青豆味道好NATURAL, 但又唔係草青味, 難以形容! 小辣椒用甜豆辦醬整, 總之5個都好特別! 食得出好有心機!
之後呢, 係炸物。我食過3次, 次次唔同, 款款SURPRISE! 今次有芒果香蕉春卷, 炸素雞同炸香x(我真係盡左力, 打唔到果個字, 通常o係齋舖整到係魚型同埋雪糕係紫色架呢, 有心人請幫我打左個字同埋delete呢d description…唔想俾人知我咁stupid!~), 3樣都好好味, esp 芒果春卷! 加香蕉比加cream得好多!
仲有一個好靚的燉冬瓜, 用蓮子, 夜光花, 銀杏, 紅棗等等。好清好fresh. 食開濃野的媽媽就嫌清過頭, 而我就食左好多銀杏!無聲支持! good!
有一個炒蟠龍果百合同埋銀杏。TVB8都有介紹! AMY細心將銀杏換左菠羅。百合好爽, 蟠龍果好甜, 伴碟D西蘭花連唔食花的我都食左一件! 得呀!
中間間場係老火湯, 粉葛赤小豆等等, 個色仲杰過紅豆沙! 好野!
有一個南瓜, 下面墊底有炒素翅。TVB8都有人訪問佢點整! 南瓜加左鎮江醋, 食落竟然似蟹羔! 正對我呢D口齋心不齋的口胃! 炒魚翅同我屋企D炒真魚翅有得FIGHT!
尾隨一個素鰻魚串, 搵牙簽串住2件, 加KIWI食。都OK, NOT BAD!
LAST OF ALL 係食橙! 都係我FAVORITE之一。橙切成一片片夾素午餐肉淋橙汁。好似係食到好飽叫返你個胃開返食美點雙輝咁…我覺得佢D果醬可以單獨賣!
焗荷葉飯呢, 係從來冇食過咁香咁FRESH的荷葉味! 而炒米粉有個好靚的名: 手足情深。係炒米粉加粉絲! 口感一流! 總之2個各有所長!
DESSERT方面, 初時炸物有個大茄,切到蓮花咁! 佢加左糖撈到好好食~ 呢個都係至愛之一。生果糖水點心3樣都有~ 唔知係咪私人醒呢 生果唔提, 糖水係腐竹意米, 佢都冇用白果, 改左用綠豆片, 佢仲教左我一個秘方呢~ 點心有椰汁糕---一個字:香; 南瓜餅:耍家! 我食左幾件呢~
AMY好野在用心。論食物, 佢每款都好俾心機落去做! 我冇食過D炒野個碟底係冇油嘅! 炸野係唔漏嘅! 做菜心買3斤用得1斤<--初時我都覺得有D折墮, 但係佢好似會俾D剩物救世軍回收。不過食過你就知:算啦~ 講環境, 一間房得一檯, 好似包場玩咁! 一家人食下傾下, 特別開心又冇人趕走, 全面禁煙又係我杯茶! 買SERVICE, 可能AMY都係朋友親戚, 都食到熟曬~ 佢除左好細心換碟(佢D餐具一SET要5舊水! 真係好有要求!)之外, 好似一般私房菜咁傾下講下又一齊笑下, 真係好開心! MORE THAN EXPECTED! 仲有價錢…呢樣都係人地俾錢我俾面, 但係好似都係百鬆D蚊一位, 嘩! 百幾蚊買到以上的, 我識得除左AMY度都冇第2度! 難度係頂儲夠十個人, 又唔可以多過一檯…
呢個唔係廣告, 其實我都唔知點解咁夜仲打咁多字。可能我都幾愛OPENRICE, 同埋我都幾愛AMY。唉不過唔想第時愈來愈難BOOK…真係要而家BOOK定下年初一食飯就弊! 只好講: AMY話生日時食素係積福架喎(唔係食蛋糕喎)! 佢一日做得一檯, 賺幾多真係有數得計。大家唔係為錢都係為推廣素食JE! 我打咁多字都係想圓佢目的。OPENRICE聚會都可以諗下呢度啦(不過叫埋我至好!)我今日就積左福喇, 咁您今日又積左未呢?
Post