Video
Read full review
2017-12-09
4075 views
呢間火鍋店主打功夫火鍋，最出名既係佢果個火焰蜆煲同蟹煲，基本上每一枱都係叫果兩個煲做湯底😳👁🗨 鹹菜胡椒湯（7/10）💲88果日吾多想食海鮮，就決定叫個普普通通既鹹菜胡椒湯底😂鹹菜多兼夾胡椒味濃，亦都因為夠哂胡椒，所以辣辣地🌶好惹味，但後尾食食下開始覺得鹹，所以加水唔加湯，以為會溝淡，但仍然鹹左啲😳👁🗨 椒鹽黃金磚（7/10）💲58平時鍾意食椒鹽豆腐既我地，難得見倒有，就算係打邊爐都忍吾住叫左呢個小食，等個鍋滾就食呢個😅一籃有10小舊，豆腐都算滑，但係略嫌個皮唔夠脆同埋椒鹽味唔夠，不過用離過下口癮都係可以既👻👁🗨 手打野生紅蝦松露丸（半份）（7.5/10）💲58餐牌上面有好多標榜手打既丸類，見倒有呢個野生紅蝦松露丸，跟開我地既都知我地兩個勁鍾意松露，所以基本上諗都吾洗諗就叫左😂所謂既半份就係有四粒，一咬開粒丸，好香既黑松露味就已經散發哂出離😍而且食落彈牙，確係有驚喜，吾錯🤓👁🗨 梅花豬頸肉（6.5/10）💲98呢個梅花豬頸肉，就咁望覺得幾靚，但係食完對佢有點失望😶除左肉太腍，無咩豬頸肉應有既韌度之外，亦都冇香口既豬頸肉味，就好似食緊好腍既梅頭肉咁😞而且份量偏少，兩個人食完都好似
👁🗨 鹹菜胡椒湯（7/10）💲88
果日吾多想食海鮮，就決定叫個普普通通既鹹菜胡椒湯底😂鹹菜多兼夾胡椒味濃，亦都因為夠哂胡椒，所以辣辣地🌶好惹味，但後尾食食下開始覺得鹹，所以加水唔加湯，以為會溝淡，但仍然鹹左啲😳
👁🗨 椒鹽黃金磚（7/10）💲58
平時鍾意食椒鹽豆腐既我地，難得見倒有，就算係打邊爐都忍吾住叫左呢個小食，等個鍋滾就食呢個😅一籃有10小舊，豆腐都算滑，但係略嫌個皮唔夠脆同埋椒鹽味唔夠，不過用離過下口癮都係可以既👻
👁🗨 手打野生紅蝦松露丸（半份）（7.5/10）💲58
餐牌上面有好多標榜手打既丸類，見倒有呢個野生紅蝦松露丸，跟開我地既都知我地兩個勁鍾意松露，所以基本上諗都吾洗諗就叫左😂所謂既半份就係有四粒，一咬開粒丸，好香既黑松露味就已經散發哂出離😍而且食落彈牙，確係有驚喜，吾錯🤓
👁🗨 梅花豬頸肉（6.5/10）💲98
呢個梅花豬頸肉，就咁望覺得幾靚，但係食完對佢有點失望😶除左肉太腍，無咩豬頸肉應有既韌度之外，亦都冇香口既豬頸肉味，就好似食緊好腍既梅頭肉咁😞而且份量偏少，兩個人食完都好似冇食過咁😭
👁🗨 鮮炸紫菜響鈴（7/10）💲68
一籃有8條大細適中既響鈴，有紫菜包左係入面，感覺幾特別，吾知係咪因為咁所以食落覺得吾太油膩🤤🤔不過紫菜如果浸得太耐會韌，所以浸一浸就要食
👁🗨 娃娃菜（全份）（7/10）💲38
吾知點解打邊爐成日都會自動叫左娃娃菜，好少叫其他菜😂全份既份量兩個人食岩岩好，不過可以切細少少，咁就食得更加方便啦🤓
👁🗨 稻庭烏冬（7/10）💲28
係打邊爐離吾開既烏冬🍜話明係稻庭烏冬，所以食落佢係滑嘟嘟，帶有少少彈牙既口感，吸哂湯底既胡椒味，夠哂惹味🤤
🔛 整體評分（7/10）
Post
