Video
Read full review
2001-03-13
39 views
當晚天氣幾凍, 石澳更凍又大風一入到店內, 暖暖的, 因為點滿洋燭老板正用鮮花佈置, 見到我倆o個凍樣好識做咁介紹我先飲杯"熱檸檬汁+ 蜜糖" 。檸蜜飲得多, 但由心暖出o黎個感覺好正，小茶壺內放入數片檸檬葉, 檸檬香味不斷滲出, 令大部份寒意消除。牆上掛上兩塊餐牌，用粉筆寫上當日食物數量不多(餐湯兩款; 頭盤六七款; 主菜五六款; 另甜品獨立餐牌約五款)先Order 雜菜湯, 洋蔥湯各一, 先暖胃店子不大, 室內只能容納二十人室外十人, 地下鋪滿滕氈,室內燈光柔和, 主要靠門口兩支射燈射向珠片波反射出其餘當然係Candle Light 啦大大支圓柱型洋燭內有三個火頭在柔柔火光下如果配上紅酒再加上柔和音樂下, 非常識合拍拖門外掛上竹製風鈴, 間中傳來清脆鈴聲, 令人全身放鬆門樑上貼上兩顆大海星加上吊扇上貼滿螢光貼紙，成為店內特色10 分鐘後, 餐湯送到....................洋蔥湯用中式沙煲上(售仔食果種)滾熱! 大量煮得好淋o既洋蔥絲好好好好好好好好好味自問無辦法煮倒, 亦估唔到內裡除洋蔥外仲有乜跟湯送上芝士碎, 一定要落個湯好清好入味唔知點講, 自已試雜菜湯, 好濃
一入到店內, 暖暖的, 因為點滿洋燭
老板正用鮮花佈置, 見到我倆o個凍樣
好識做咁介紹我先飲杯"熱檸檬汁+ 蜜糖" 。檸蜜飲得多, 但由心暖出o黎個感覺好正，小茶壺內放入數片檸檬葉, 檸檬香味不斷滲出, 令大部份寒意消除。
牆上掛上兩塊餐牌，用粉筆寫上當日食物
數量不多(餐湯兩款; 頭盤六七款; 主菜五六款; 另甜品獨立餐牌約五款)
先Order 雜菜湯, 洋蔥湯各一, 先暖胃
店子不大, 室內只能容納二十人
室外十人, 地下鋪滿滕氈,
室內燈光柔和, 主要靠門口兩支射燈射向珠片波反射出
其餘當然係Candle Light 啦
大大支圓柱型洋燭內有三個火頭
在柔柔火光下如果配上紅酒
再加上柔和音樂下, 非常識合拍拖
門外掛上竹製風鈴, 間中傳來清脆鈴聲, 令人全身放鬆
門樑上貼上兩顆大海星加上吊扇上貼滿螢光貼紙，成為店內特色
10 分鐘後, 餐湯送到....................
洋蔥湯用中式沙煲上(售仔食果種)
滾熱! 大量煮得好淋o既洋蔥絲
好好好好好好好好好味
自問無辦法煮倒, 亦估唔到內裡除洋蔥外仲有乜
跟湯送上芝士碎, 一定要落個湯好清好入味唔知點講, 自已試
雜菜湯, 好濃, 有溶晒o左薯仔, 西蘭花, 紅羅白
口感比較厚, 香濃, 我太太極喜歡得我就麻麻
各得所好
隨湯送上一竹籃法包
配上原個蒜頭(經油煮過, 極香) 、牛油
p.s. 初頭都唔知點處理個蒜頭, 好蠢咁推件法包上去,
食o左兩件先推敲倒點食...... 自己估啦)
個湯咁大，飲完都半飽, 但好滿意
再睇餐牌, 頭盤就要..........................經老板娘細心介紹
我揀Duck Liver w Sherry Sauce $95
太太揀Avocado & Crab Cocktail $95
幾片新鮮蔬菜放在白色圓碟上
中間一片煎香o左o既薯仔上面放上主角
兩片香煎鴨肝再淋上甜甜o既酒汁
鴨肝金黃色, 軟綿綿用刀叉切一少塊放到太太口中
從佢o既表情我已急不及待要切一塊俾自己
唔係誇張, 入口即溶, 香味四溢, 原來鴨肝係可似咁美味。
不消一會, 連中間一片煎香o左o既薯仔都食埋, 極品!
另一個頭盤
牛油果挖空, 釀入鮮蟹肉及沙律醬同牛油果肉，雪到凍凍的, 蟹肉鮮美加上牛油肉質感，好一個組合, 對於一個之前俾牛油嚇過o既我，對牛油果完全改觀, 同之前個頭盤比, 一冷一熱, 一個味濃一個清新, 感覺完全兩回事, 各有各好。
食完頭盤都差唔多飽o左一大半。
時間已達8 時, 人漸多，傾一陣計再叫主菜.....................
之前一晚打邊爐食得太多肉同太飽主菜只能叫一個兩份食
就要Grill King Prawn 啦$185
幾件薯仔伴碟, 兩隻大海虎蝦, 加上少少酸味o既汁料、海虎蝦o既鮮味本身已經不容置疑。
經過燒烤o既蝦頭, 蝦膏散著獨有o既香味，其實不用任何香料已經極之惹味
但配上橄欖油加少許檸檬汁又好突出
連伴碟o既薯仔都好好味
但太飽喇, 始終食剩兩粒
由於要趕返將軍澳睇九點半
所以匆匆上甜品
上甜品前, 上toilet 先
布廉後, 右邊係廚房, 左邊先係Toilet
地方不大, 先經洗手盆, 再推門入內
有一棗紅色坐廁, 男仕小解時會有一個布公仔望住你, 望向右邊有一個用筲箕製作o既燈罩, 令一個平平無其o既廁格加添一份神秘。
洗手盆旁有籃毛巾, 店主幾細心周到
店主極力推介
Pavolva
由Order 到上檯都成10分鐘
Pavolva係乜呢? 店主話係澳州甜品
一隻白色小兜型圓碟上放上一件三角型蛋糕look 物體
表面斜斜插滿士多啤梨片
加上兩支生日洋燭
其實Pavolva並非蛋糕係餅底上加上蛋白同沙糖打成類似"梳乎厘" o既東西，外皮燒焦燒脆,表面斜斜插滿士多啤梨片，一匙羹從上切下, 放入口即化開, 好似只放進士多啤梨一樣。
如果只食下面的部份會太甜
但連士多啤梨一齊入口，酸酸的士多啤梨就中和o左甜味
果然出色!!!!!!!
總括來說, 以$660 埋單食到一餐咁滿意o既晚餐，真係物超所值
特別推介俾蜜運中男女, 餐後感情必能跨進一大步。
對於我o黎講Felix 之流反而令我食得不自在。
p.s. 逢星期五六日有新鮮空運海鮮
Post