越好

Open Now

Now Closed

今次去開沙田行街有d肚餓想食個下午茶，就去咗連城廣場入面嘅越好食越南粉。今次order咗牛腩湯河同埋扎肉湯河，另外小食叫咗越式春卷、炸蝦餅同埋牛油雞翼，飲品就叫咗咸檸七同埋青檸梳打。兩個湯河嘅湯底味道都好濃郁好有越南嘅風味，最緊要份量十足，扎肉有五六大片，而另外牛腩湯河都鋪滿牛腩。越式春卷就絕對係外脆內軟嘅表表者，點埋越南嘅醬汁食仿似置身越南咁。炸蝦餅就炸得金黃色好香脆，入面亦都好有蝦嘅鮮味。牛油雞翼就未食都聞到好香濃嘅牛油味，而且雞肉超嫩滑。另外兩杯飲品亦都好解渴，食完個下午茶餐都飽曬而且都係$120，絕對係超貼地價。