鮨月 (Closed)

食厭咗連鎖壽司店，想試吓食高檔啲嘅日式料理？呢間鮨月應該可以滿足到你！位於灣仔金鐘中間，地點唔算難搵，店內日式氣氛濃厚！今日我地嚟食Omakase - 即係所有食物都係由廚師決定！貼心嘅係喺落order嗰陣，店員會先問客人有咩唔食，俾廚師喺菜單上做個調整！言歸正傳，去圖！每上一道，師傅都會簡介菜式，首先第一道係真鯛刺身片配酸汁+食用玫瑰，呢個組合第一次食，好夾！隔離碗仔係發光魷魚，有少少芥辣味，都好食！第二道係新鮮北寄貝，第一次食新鮮嘅，非常爽口。值得一提係旁邊嗰板Wasabi，係新鮮山葵磨出嚟，同一般食開一支支嘅好大分別，係有一種香氣！第三道比較冷門，叫飯蛸，其實係章魚嘅一種，佢煮熟之後，腦漿會變成好似一粒粒飯粒咁，口感幾得意，同埋都用醬汁浸得超入味！跟住呢道我唔記得叫咩名，淨係記得嗰舊吞拿魚超鮮味！食完刺身，就開始等壽司啦！廚師會先俾啲薑大家清清口腔，旁邊黑白色嘅我又唔記得叫咩名啦，但係都係清口腔嘅！本身味道都幾好！壽司我唔逐款講啦！只能講非常豐富！有曹以、系撚鯛、超好食嘅生蝦配蟹膏+海葡萄、大拖羅，雖然件數唔多，但係味道都足以令人感到大大大大滿足！接住嚟就係熱食啦，有免治雞肉棒，