Video
Read full review
2018-07-20
1384 views
睇完戲覺得肚餓, 戲院外面又橫風橫雨, 唔想去咁遠嘅地方搵嘢食, 好彩黃埔美食坊有唔少食店, 出到戲院行唔夠幾步就見到依間"早安越南”, bingo!! 一向鍾意食越南野, 仲唔係你!?因為太肚餓, 罕有地唔使幾分鐘就落咗order. 待應好快手, 全餐飯由帶位, 點菜, 上菜, 執碟, 加水, 埋單, 全部都好迅速. 朋友叫咗蝦膏海鮮炒飯, 扒咗幾啖先映相就係咁既效果~ 好香好惹味, 隨手翻開有青口, 魷魚, 蝦同埋帶子. 出乎意料地有鮮味, 食落唔會有急凍海鮮包嗰種冰鮮味. 因為我非常鍾意食蝦膏, 蝦膏滿瀉又唔過咸, 配料又充足, 食得好滿足. 我自己就叫咗咖哩牛腩湯河. 冇辦法我對咖哩牛腩有一種執著-_-; 本來比較扁好巴基斯坦咖哩, 因為鍾意佢香辛濃郁, 估唔到呢度嘅越南咖哩都相當濃郁惹味, 唔係好重椰香, 有少少杰適合掛面, 而且味道唔算辣, 應該女士都啱. 咖哩湯底因為會沉澱, 越底下嘅汁越濃味, 食到中途先記得攪勻啲湯底.牛腩嫩滑無渣,唔係全瘦肉,有丁點肥所以先香口.區區一碗飯/面梗係滿足唔到我地啦, 而且嘢食又真係唔錯, 另外再叫埋小食~炸蝦餅外皮脆得來唔過火, 唔會油
出到戲院行唔夠幾步就見到依間"早安越南”, bingo!! 一向鍾意食越南野, 仲唔係你!?
因為太肚餓, 罕有地唔使幾分鐘就落咗order. 待應好快手, 全餐飯由帶位, 點菜, 上菜, 執碟, 加水, 埋單, 全部都好迅速.
朋友叫咗蝦膏海鮮炒飯, 扒咗幾啖先映相就係咁既效果~ 好香好惹味, 隨手翻開有青口, 魷魚, 蝦同埋帶子. 出乎意料地有鮮味, 食落唔會有急凍海鮮包嗰種冰鮮味. 因為我非常鍾意食蝦膏, 蝦膏滿瀉又唔過咸, 配料又充足, 食得好滿足.
我自己就叫咗咖哩牛腩湯河. 冇辦法我對咖哩牛腩有一種執著-_-; 本來比較扁好巴基斯坦咖哩, 因為鍾意佢香辛濃郁, 估唔到呢度嘅越南咖哩都相當濃郁惹味, 唔係好重椰香, 有少少杰適合掛面, 而且味道唔算辣, 應該女士都啱. 咖哩湯底因為會沉澱, 越底下嘅汁越濃味, 食到中途先記得攪勻啲湯底.牛腩嫩滑無渣,唔係全瘦肉,有丁點肥所以先香口.
區區一碗飯/面梗係滿足唔到我地啦, 而且嘢食又真係唔錯, 另外再叫埋小食~
炸蝦餅外皮脆得來唔過火, 唔會油淋淋或者乾爭爭, 蝦滑好在唔係軟淋淋果種, 仲算有咬口. 好似我朋友咁少少油膩都唔食既話,仲可以用碟邊既配菜夾著嚟食. 食得唔好嘥,果然係真男人.
食完飯又點可以冇湯水呢, 最後當然要點埋肉骨茶啦.
肉骨茶一上枱已經聞到陣陣既藥材味, 完全符合肉骨茶嘅印象. 其實飲落去藥材味無想像中咁重, 反而有比其他地方既肉骨茶更重既嘅香甜味道. 當歸, 玉竹, 沙蔘, 應該有嘅都食得出味道. 另外仲有幾件油炸鬼俾你送湯食, 浸落湯一陣先食都唔錯架. 最重要係吸晒依啲湯料精華既排骨唔會煲到變湯渣, 食落仲係非常嫩滑. 件排骨真係要讚. 飲完之後有一股暖氣湧上嚟, 好舒服, 即時想訓覺.
學名好似叫做"是拉差"? 左右門神~
埋單前先至發現有兩支辣椒醬未食, 我一開始專登放喺側邊備用, 食下食下因為全部餸都夠晒味, 最後都冇食到依兩支辣椒醬, 可惜可惜. 反正依間有下次, 總有機會食到既.
Post
