紐約客 (Closed)

一上到去就有位，入到去覺得個環境幾特別，好美式style。同埋可能今日無咩人，可以好舒服咁同朋友傾住計食飯。一共叫左三款食物同加左杯野飲。野食一黎到，嘩原來份量都幾多！芝士波士頓龍蝦加龍蝦炒飯龍蝦肉都幾爽口，芝士又唔會蓋過左龍蝦既味道，仲幫我地起埋龍蝦肉出黎👍🏻! 而個炒飯食落啖啖好香既菌味，如果龍蝦既份量可以加多少少就更好啦!😋BBQ豬肋骨一份有兩行豬肋骨，味道岩岩好，又唔會太乾！我地揀左配薯角，可以點由佢地自制既蕃茄醬汁，好fresh既蕃茄味，完全唔係出面餐廳個d茄汁，味道比較淡🍅👍🏻燒焗豬手件落單既時候無睇清楚，原來小食焗豬手都會配左薯條或者薯角😳豬手又係好大份，豬手有乾左少少，但唔會太鹹，可以點佢地既蜜糖芥末醬，正！海洋梳打好似有兩條海豚係個海到咁，賣相👍🏻👍🏻好有創意！入面仲有椰果同藍莓，睇落好似好多糖水咁，但飲落一d都唔會太甜。我同朋友兩人最後食到好飽好飽，好滿足！而餐廳既職員都好有禮貌，但如果出菜時間可以快點就更好啦😉