熨烤達人 (Closed)

黃店之中比較少有韓國菜，今次特登黎到鑽石山荷里活支持一下！晚市時間黎到都幾多人排隊等位，2人位等左大概30分鐘先有得入。除左韓式燒烤，仲有多款韓國野食，如冷麵、炸雞、部隊火鍋等。我地今次食烤肉，加芝士炸雞，好邪惡食韓式烤肉，點少得爐邊蛋！前菜泡菜都係可以無限REFILL架！五花肉：非常厚肉，足料！柚子五花肉片芝士炸雞：可能食烤肉已經飽左大半，望到呢份芝士炸雞吸引力大減...而且講真係比較失望，炸雞厚粉，芝士油膩冇乜香味...下次都係只食烤肉好了。小插曲：由於店長中途借走左我哋一張櫈，佢事後送左一份煎餅比我哋食！好有心，服務態度好好！