Video
Read full review
2023-04-23
1134 views
朋友知道我係一級燒肉迷，今日就帶左我黎位於尖沙咀既三郎燒肉，品嚐一級既和牛燒肉。三郎燒肉係人氣餐廳「燒肉一郎」既姊妹店，店內供應四大名貴和牛，包括伊賀牛、姬路牛、宮崎牛及鹿兒島牛。而餐廳非常闊落，而且裝潢行日系灰白及木系風格，入到去亦唔會感覺到任何油煙味。除左一般既座位，餐廳仲有吧檯位置，客人預訂吧枱位，就可以有專業師傅代為燒肉，非常貼心！✨烤和牛肩他他凱撒沙律和牛肩輕輕烤過，呈鮮嫩既粉紅色，食起黎軟嫩適中，牛味濃郁。而羅馬生菜鮮爽脆，仲有甜甜地既車厘茄、洋蔥絲、香脆麵包粒同咸香既煙肉碎，配上微酸既凱撒沙律醬和芝士粉，每啖都滋味無窮。✨季節刺身盛合（五款）有五款時令刺身，全部都厚薄適中，非常新鮮。當中我最中意既係鯛魚同牡丹蝦。鯛魚外皮微微燒焦，肉質細緻柔軟。牡丹蝦超級肥美，味道甘甜濃郁。✨特選和牛盛合（五款）有封門柳、牛柳、和牛西冷、和牛牛肋、三角腹肉，每一嚿嘅雪花都分布平均，超靚！我最鍾意食嘅係和牛牛肋肉，油香滋味、肉質嫩滑，而且牛味濃郁，簡單用鹽調味已經超級好食！✨阿波尾雞頸、鹿兒島縣產雞心、帶子、野菜跟住就有雞肉、海鮮野菜拼盤。阿波尾雞頸既肉質有爽脆嫩滑既口感，肉味香濃。雞心肉質
朋友知道我係一級燒肉迷，今日就帶左我黎位於尖沙咀既三郎燒肉，品嚐一級既和牛燒肉。
三郎燒肉係人氣餐廳「燒肉一郎」既姊妹店，店內供應四大名貴和牛，包括伊賀牛、姬路牛、宮崎牛及鹿兒島牛。而餐廳非常闊落，而且裝潢行日系灰白及木系風格，入到去亦唔會感覺到任何油煙味。除左一般既座位，餐廳仲有吧檯位置，客人預訂吧枱位，就可以有專業師傅代為燒肉，非常貼心！
✨烤和牛肩他他凱撒沙律
和牛肩輕輕烤過，呈鮮嫩既粉紅色，食起黎軟嫩適中，牛味濃郁。而羅馬生菜鮮爽脆，仲有甜甜地既車厘茄、洋蔥絲、香脆麵包粒同咸香既煙肉碎，配上微酸既凱撒沙律醬和芝士粉，每啖都滋味無窮。
✨季節刺身盛合（五款）
有五款時令刺身，全部都厚薄適中，非常新鮮。當中我最中意既係鯛魚同牡丹蝦。鯛魚外皮微微燒焦，肉質細緻柔軟。牡丹蝦超級肥美，味道甘甜濃郁。
✨特選和牛盛合（五款）
有封門柳、牛柳、和牛西冷、和牛牛肋、三角腹肉，每一嚿嘅雪花都分布平均，超靚！我最鍾意食嘅係和牛牛肋肉，油香滋味、肉質嫩滑，而且牛味濃郁，簡單用鹽調味已經超級好食！
✨阿波尾雞頸、鹿兒島縣產雞心、帶子、野菜
跟住就有雞肉、海鮮野菜拼盤。阿波尾雞頸既肉質有爽脆嫩滑既口感，肉味香濃。雞心肉質緊緻，富有彈性，味濃而且有咬口。帶子超大隻，而且非常新鮮，但要食到鮮嫩嘅口感，咁就要靠自己掌握火候啦！
✨香脆雞翼
雞翼係單骨嘅， 外皮炸到酥脆，而味道方面就有少少辣，幾香口之餘點埋蛋黃醬，真係非常惹味！
✨和牛煲仔飯
唔好睇佢細細咁一個，其實份量非常之多！入面嘅和牛切成一粒粒，本身以為用煲仔飯嘅形式去煮，肉質一定會比較老。點知和牛仍然非常嫩滑，而且個飯富有油香，加埋少少醬油調味，令人驚艷。
✨季節雪糕
雪糕個感覺比較似柚子雪葩，味道唔會太甜，有濃郁嘅柚子香味，仲食到一粒粒嘅柚子果肉。放喺呢一餐嘅結尾，完全可以去除油膩嘅感覺，令人覺得非常圓滿。
烤和牛肩他他凱撒沙律
175 views
0 likes
0 comments
阿波尾雞頸、鹿兒島縣產雞心、帶子、野菜
14 views
0 likes
0 comments
特選和牛盛合（五款）
19 views
1 likes
0 comments
季節刺身盛合（五款）
14 views
0 likes
0 comments
香脆雞翼
12 views
0 likes
0 comments
和牛煲仔飯
11 views
0 likes
0 comments
季節雪糕
14 views
0 likes
0 comments
Post
