十字冰室 (禮頓道)

Open Now

Now Closed

tea time特登去試下新開嘅十字冰室，由銅鑼灣港島線行去餐廳，大約要10至15分鐘。天氣好熱好曬，所以有少少辛苦。落座侍應幫我哋落單，叫咗懷舊蝦多士（$32），三色炸鮮奶($32)同兩杯濃滑奶茶（$18*2）。炸鮮奶非常驚艷，必食。三色系白色嘅原味牛奶，黃色嘅芒果木瓜，及粉色嘅士多啤梨，各個味道香甜，咬落去幾軟幾黏，奶味十足。蝦多士呢，蝦唔少亦夠鮮，但相較三色炸鮮奶特色不夠，不過不失。兩份小食分量都算大，食完之後先覺得飽翻喇，最後嘆翻杯奶茶，人生真系太完美喇。一餐落來，只需要百蚊港紙未到，抵食!