Video
Read full review
2019-04-20
122 views
今日响炮台山同個客開會，一於就找附近返工個好姊妹放工後一齊晚餐。 問佢附近有咩西餐好食，佢就帶我去到她公司AIA後面條街既一間西餐廳，店內樓底高，燈光環境舒適，啱哂我地食野同傾計見到個menu 有pizza 揀，我就叫左個叫 Napoli 既 薄pizza試下 $148，呢個pizza 我覺得最特別係上面d銀魚柳粒，當清香既芝士配上銀魚柳的咸香，令我覺得對比很強烈而整體又唔會太咸 真係好正！ perfect match ！尤如 咸魚蒸肉餅般咁夾。另外我仲叫左個 松露牛肝菌意大利飯Risotto ai Funghi $158，我本人由於好鐘意食松露 所以一定要試下，當侍應一放在枱面時 松露獨特既芳香即時飄到我的鼻子，牛肝菌口感肥厚，雜菌份量適中，意大利飯軟硬程度也是剛剛好。我們坐的座位旁邊有張美食圖片是：西班牙伊比利亞黑毛豬配烤紅椒堅果醬$288，賣相覺得幾靚所以就order 左一份。 實物同相片都係一樣咁靚，侍應推介我們吃七成熟，而我地就叫左份全熟的。 豬肉即使全熟都係唔硬，煮得啱啱好 豬既脂肪略略滲透在肉裡面 即使唔點醬汁都係唔錯，而我姊妹就比較鐘意食濃味d，所以佢就點醬食，我都試
今日响炮台山同個客開會，一於就找附近返工個好姊妹放工後一齊晚餐。 問佢附近有咩西餐好食，佢就帶我去到她公司AIA後面條街既一間西餐廳，店內樓底高，燈光環境舒適，啱哂我地食野同傾計
見到個menu 有pizza 揀，我就叫左個叫 Napoli 既 薄pizza試下 $148，呢個pizza 我覺得最特別係上面d銀魚柳粒，當清香既芝士配上銀魚柳的咸香，令我覺得對比很強烈而整體又唔會太咸 真係好正！ perfect match ！尤如 咸魚蒸肉餅般咁夾。
另外我仲叫左個 松露牛肝菌意大利飯Risotto ai Funghi $158，我本人由於好鐘意食松露 所以一定要試下，當侍應一放在枱面時 松露獨特既芳香即時飄到我的鼻子，牛肝菌口感肥厚，雜菌份量適中，意大利飯軟硬程度也是剛剛好。
我們坐的座位旁邊有張美食圖片是：西班牙伊比利亞黑毛豬配烤紅椒堅果醬$288，賣相覺得幾靚所以就order 左一份。 實物同相片都係一樣咁靚，侍應推介我們吃七成熟，而我地就叫左份全熟的。 豬肉即使全熟都係唔硬，煮得啱啱好 豬既脂肪略略滲透在肉裡面 即使唔點醬汁都係唔錯，而我姊妹就比較鐘意食濃味d，所以佢就點醬食，我都試過點醬食，賣相同味道的確更上一層樓。
幾時都話女人有兩個胃，食完正餐，另一個胃就想食甜品，所以我地就叫左椰子味 同 紅莓 味道 既意大利雪榚 $45/每款，紅莓味-酸酸甜甜内有點果肉，椰子味-清香有椰絲粒粒 兩款雪榚都好有口感好正，值得推介！ 如果唔係之前食左咁多野，我都想叫 窩夫配意大利雪樣😋 唯有下次再黎過啦～*
今餐非常滿足😌，唔係好姊妹推介都唔知後街有好西吃。
Post
