萬發海鮮菜館 (Closed)

行完山時間尚早，大家決定去深水食小菜。沙薑雞腳-大大隻，好夠味，又唔會過鹹。豉椒炒蜆-好夠鑊氣，蜆肉難得隻隻都好肥美。生炒骨-十分正宗，因為每件都是骨，味道都ok。但以這類型的小菜館來講，不是非常有水準之作。叉燒炒蛋-蛋，炒得好滑；叉燒應該係來貨，肉地較實。豉椒炒雙扣-是烏魚扣及田雞扣，兩款扣都非常爽口及彈牙，有豉椒關係，炒得非常野味。焗魚腸-買相唔錯，可惜食落唔夠香，雞蛋又好實，唯一好是魚腸夠多。蝦子柚皮-估唔到整得唔錯，完全沒有柚皮本身的苦味，夠腍又入味，蝦子亦夠香。金銀蛋莧菜-38蚊大大碟，皮蛋又多、鹹蛋又多，真係好抵。6個人加埋7枝啤酒，埋單都係$452，真係勁抵的一餐。